Mkurugenzi Mtendaji (W) Akikabidhiwa Baiskeli 5 na Makabati 11 kutoka Shirika la JSI

Posted on: January 26th, 2018

JSI imekabidhi vitendea kazi hivyo ili kuboresha utendaji kazi na ufanisi  wa wasimamizi wa mashauri ya watoto ikiwa ni pamoja na kurahisisha usafiri na hivyo kuwafikia wasimamizi wa mashauri ya watoto (CCW) wengi zaidi na kutunza kumbukumbu za watoto walio katika mazingira hatarishi na waliopata huduma kwa kipindi husika.

JSI kwa kushirikiana na Halmashauri ya wilaya ya Magu Kupitia Mradi wa kubaoresha mifumo ya Afya na ustawi wa Jamii ilifanya mafunzo ya siku 5 mfululizo kwa wasimamizi wa mashauri ya watoto (CCW) katika kata 7 za Halmashauri ya Wilaya ya Magu ili kuchangia kufikia lengo kuu la PEPFAR 3.0 la kufikia 90-90-90 ifikapo mwaka 2020 na lengo la Serikali Ya Jamhuri ya Muungano wa Tanzania la Sifuri 3 ifikapo mwaka 2030.

Mwakilishi kutoka JSI ameeleza kwamba, Kupitia ushirikiano uliopo baina ya Halmashauri ya Magu na JSI katika kuboresha mifumo ya Afya na ustawi wa jamii, kutakuwa na mafanikio yafuatayo;-

• Kupata taarifa za kutosha na sahihi juu wa watoto walio katika mazingira hatarishi.
• Kupunguza idadi ya watoto waishio katika mazingira hatarishi
• kuongezeka kwa watoto wanaopata huduma za upimajai wa VVU na kuanza kutumia dawa za ARV.
• Kuboreka kwa mfumo Jumuishi wa usimamizi wa mashauri ya watoto (NICMS) katika Halmashauri na kuandaa kizazi chenye idadi  kubwa ya watu watakao jihusisha na uzalishaji mali.

Baada ya maelezo hayo ametoa mapendekezo kwa Halmashauri kama kama ifuatavyo;-

• Amependekeza Halmashauri isaidie kutoa vitendea kazi (Baiskeli na Makabati) kwa kata ambazo hazijapata msaada huu ili kuweka uwiano sawa utakaosaidia kuboresha utendaji kazi.
• Halmashauri isaidie kutoa vitambulisho vya kazi kwa wasimamizi wa mashauri ya watoto ili waweze kutambuliwa na jamii husika wanapotekeleza majukumu yao.

Mkurugenzi Mtendaji (W) na Mwenyekiti wa Halmashauri  wametoa shukrani  zao dhati kwa shirika la JSI kwa msaada walio utoa kwa lengo la kusaidia kuboresha utendaji kazi wa wasimamizi wa mashauri ya watoto  katika Halmashauri ya magu kwenye kata zilizopewa mafunzo. Aidha wameomba shirika la JSI kuendelea na moyo huo katika utoaji wa huduma kwa wamanchi.