Posted on: September 9th, 2024
Mkuu wa Wilaya ya Magu Mh. Joshua Nassari amehudhuria hafla ya tukio la kuapishwa kwa Chifu mpya wa utemi wa Magu, Gabriel Mapuli Mgemela iliyofanyika katika ikulu ya utemi wa Magu Kijiji cha Shinembo kata ya Kahangara .
Chifu huyo anachukua nafasi ya marehemu Peter Mahushi Mgemela ambaye ni kaka yake hivyo anarithi nafasi hiyo ambayo ataendelea kutekeleza majukumu mama ya Chifu ambayo ni kusimamia misingi ya utamaduni, mila na desturi pamoja na kusimamia maadili katika eneo lake la kiutawala.
Akizungumza wakati wa tukio la uapisho wa chifu huyo Dc Nassari amewaasa wananchi kuachana na imani potofu ambazo huleta athari mbaya katika jamii na kuongeza vitendo vya ukatili katika jamii.
Kwa upande wake Chifu mpya wa utemi wa Magu Gabriel Mapuli Mgemela amesema kuwa ataendelea kudumisha mila na tamaduni za kisukuma pamoja na kusimamia maadili ya eneo lake la kiutawala.
