Posted on: April 16th, 2024
Mkuu wa Wilaya ya Magu Mhe Joshua Nassari amekutana na kuzungumza na Chifu wa utemi wa Ndagalu , Juventine Dotto Kasalale Machibya ( Chief Shilinde wa Pili) ofisini kwake leo Jumanne Aprili 16, 2024.
Lengo la kukutana na Chief huyo ni kujitambulisha kwake pamoja na kujadili masuala mbalimbali na kukuza ushirikiano kati ya Mkuu Wilaya na viongozi wa kimila Wilayani humo.
Aidha katika mazungumzo yao Chifu Shilinde wa Pili amemualika DC Nassari kuzindua Programu ya kutunza mazingira kupitia viongozi wa kimila ijulikanayo kama 'KIJANISHA' ambayo itahusisha zoezi la kupanda miti kwa lengo la kukabiliana na mabadiliko ya tabia ya nchi tarehe 23/04/2024.
Akizungumza na Chief huyo DC Nassari ameahidi kuendelea kushirikiana na viongozi wa kimila katika mambo mbalimbali ikiwemo suala la ulinzi na usalama, kutunza mazingira, na kusimamia maadili katika jamii.
