Wilaya ya Magu ni kati ya wilaya 8 zinazounda Mkoa wa Mwanza. Wilaya imeanzishwa Mwaka 1974 baada ya kugawanywa kutoka Wilaya ya Kwimba. Wilaya kwa upande wa Kaskazini inapakana. Wilaya ya Ukerewe, upande wa Mashariki Wilaya inapakana na Wilaya ya Busega iliyoko Mkoa wa Simiyu. Kwa upande wa Kusini Mashariki, inapakana na Wilaya ya Bariadi, upande wa Kusini inapakana na Wilaya ya Kwimba na kwa upande wa Magharibi inapakana na Wilaya ya Ilemela
Ukubwa wa Eneo:
Wilaya ya Magu inaukubwa wa kilometa za mraba 2,671.Kati ya hizo kilometa za mraba 1,551 ni maji na kilometa 1,120 ni nchi kavu.
Eneo la Kiutawala:
Wilaya ina Jimbo moja la Uchaguzi Tarafa 4 kata 25, vijiji 82 na vitongoji 508.
Hali ya Hewa:
Hali ya hewa wilayani ni ya mvua za chini ya wastani, ambapo mvua za vuli huanza kunyesha kuanzia mwezi Oktoba hadi Desemba na mvua za masika huanza kunyesha mwezi Machi hadi mwezi Mei. Katika msimu wa kilimo 2012/13 mvua zilizorekodiwa kunyesha ni mm 950.4 kwa siku 240 ikilinganishwa na mm 323.7 zilizorekodiwa kunyesha kwa siku 194 kwa mwaka 2011/12 ambapo kwa kawaida, wastani wa mvua kwa mwaka ni kiasi cha mm 700 hadi mm 1000.
Idadi ya Watu:
Kwa mujibu wa sensa ya watuna makazi ya mwaka 2012, Wilaya ya Magu ina jumla watu 299,759 kati yao wanaume ni 146,461 na wanawake ni 153,298. Idadi ya watu inaongezeka kwa kasi ya asilimia 2 kwa mwaka na msongamano wa watu kwa kilometa ya mraba ni uwiano wa 1:112.
