Mkurugenzi Mtendaji wa Halmashauri ya wilaya ya Magu, anawatangazia wananchi wote wa kata za Magu Mjini, Itumbili, Isandula na Kandawe kwamba, uchinjaji wa Mifugo kama vile Ng’ombe Mbuzi na Kondoo kwa ajili ya matumizi ya Jamii ikiwa ni pamoja na sherehe za harusi, Misiba, Wafanyabiashara za Bucha na Hoteli utafanyika katika mchinjio ya Serikali tu.
Hii ni kwa ajili ya kusimamia Sheria ya nyama Na. 10 ya Mwaka, 2006 pamoja na Sheria na Kanuni za kudhibiti Magonjwa ya Mifugo Na. 171 Ibara ya 52 (a) na (c) ya Mwaka 2003. Kwa yeyote atakaye kaidi utaratibu huu hatua kali za kisheria zitachukuliwa dhidi yake.
